Məşhur rəssam Frida Kahlonun avtoportreti Nyu Yorkda hərraca çıxarılıb.

Kult.az xəbər verir ki, “Dieqo və mən” dünyaca məşhur meksikalı rəssam Frida Kahlonun son avtoportretlərindən biridir.

Əsər Nyu Yorkdakı “Sothebys” Hərrac Evində 34,9 milyon dollara satılıb. Bu rəqəmlə o, nəinki öz rekordunu qırıb, Latın Amerikası rəssamları içərisində əsəri ən yüksək qiymətə satılan şəxs statusunu da qazanıb.

Frida Kahlonun 1949-cu ildə tamamladığı əsərdə onun özü kimi məşhur rəssam Dieqo Rivera ilə evliliyi təsvir olunub. Rəsm əsərində Kahlonun alnının ortasında Riveranın kiçik təsviri var.