Dərman qiymətlərinin tənzimlənməsi tibbi sığorta tariflərinə ciddi təsir göstərməyəcək.

Axar.az xəbər verir ki, bunu "A Qrup sığorta" şirkətinin tibbi sığorta departamentinin rəhbəri Yalçın Niftiyev bildirib.

O, fins.az-a deyib ki, dərman xərcləri tibbi sığorta ödənişlərinin yalnız 15%-ni əhatə edir. Sığorta ödənişlərinin 85%-ni isə klinikalara ödənilən xidmət xərcləri təşkil edir. Stasionar müalicələr isə azlıq təşkil etdiyindən dərman xərclərinin də aşağı olmasına təsir göstərir.

Tibbi sığorta tariflərinin düşməməsinə təsir göstərən amillərdən biri də laboratoriya xidmətlərinin 5-10% bahalaşması olub. Y.Niftiyevin sözlərinə görə, laboratoriyalarda istifadə edilən reaktivlər əsasən xaricdən alınır.