O vaxt ən dəbdə olan kinofestival Daşkənd festivalı idi.

Bu sözləri xalq artisti Rasim Balayev mərhum türk aktyor Tarık Akan haqda Axar.az-a danışarkən deyib. O, həmkarının ölümünə çox kədərləndiyini bildirib:

“Blokadada olduğumuz üçün bizi heç yerə buraxmırdılar, amma Daşkənddə keçirilən festivala 80 ölkədən nümayəndə gəlirdi: Asiya, Afrika və başqa qitələrdən... Mən orada ilk dəfə türklərlə görüşmüşdüm. Tarık Akanla da orada tanış olmuşdum. Çox gözəl aktyor, səmimi insan idi. Ölüm xəbərini böyük üzüntü ilə qarşıladım”.

Qeyd edək ki, tanınmış türk aktyor Tarık Akan sentyabrın 16-sı 66 yaşında xərçəng xəstəliyindən vəfat edib.