Türkiyəli məşhur aktyor Oktay Kaynarca polis şöbəsinə gedib.

Axar.az xəbər verir ki, şənbə günü baş verən terror aktından sonra məşhurlar da polislərə öz dəstəyini verməyə davam edib. Aktyor Oktay Kaynarca da polis şöbəsində qonaq olub.

Rəsmi İnstaqram səhifəsində foto paylaşan aktyor yazıb:

“Bura Mustafa Kamal məhəlləsindəki polis mərkəzidir. Dərdləşməyə gəlmişik qardaşlarla. Baxın, üzlərində qorxu, ümidsizlik görürsünüzmü? Başa düşə bilmirlər ki, bu millətin uşaqlarını xain pusqularda, tələlərdə öldürərək qorxuda bilməyəcəklər. Allah yardımçımız olsun”.

Qeyd edək ki, Oktay Kaynarca Azərbaycanda “Qurdlar vadisi” serialındakı Çakır obrazı ilə məşhurlaşıb.