Türkiyə teleserialları istehsal etdiyimiz ən yaxşı şeydir. Dünya üzrə 400 milyon izləyicimiz var.

Kult.az xəbər verir ki, bu sözləri “Mədd İnterteyment” şirkətinin rəhbəri Atəş İncə deyib.

“Türk serialının uğuru bu günə qədər davam etdirdiyimiz keyfiyyətlə bağlıdır. Dünya tək bazar olur. Bu işi genişləndirməliyik”, - İncə bildirib.

O əlavə edib ki, Türkiyədə hər 10 nəfərdən biri teleserial izləyicisidir:

“Dünyadakı mənzərəmiz budur: 400 milyon izləyici. Əvvəlcə Yaxın Şərq, Balkan yarımadası və türk dövlətləri... Amma indi isə Braziliya da daxil olmaqla Latın Amerikasının demək olar ki, bütün ölkələrində türk teleserialları yayımlanır”.