"Qurdlar Vadisi" serialı yenidən ekranlara qayıdır.

Qaynarinfo.az xəbər verir ki, "Xaos" adlanan yeni sezonun çəkilişləri noyabr ayında başlayacaq və 2020-ci ildə ekranlara gələcək. Necati Şaşmaz və Dəfnə Samyelinin baş rolu paylaşacağı serialda 15 iyul 2016-cı ildə hərbi çevriliş cəhdindən sonra baş verən hadisələrdən bəhs ediləcək.

"Qurdlar Vadisi Xaos"un "Netflix"də yayımlanacağı barədə iddialar mövcuddur.

Qeyd edək ki, serial ilk dəfə 15 yanvar 2003-cü ildə yayımlanıb. "Qurdlar Vadisi" bu günə qədər "Şou TV", "Kanal D", "Star TV" və TNT ekranında izləyicilərə təqdim edilib.