“Titrəmə” filminin post-prodakşn mərhələsi yekunlaşıb. Montaj, film korreksiyası və qrafika işləri, demək olar ki, tamamlanıb və film təhvil verilib.

Bu sözləri Kult.az-a açıqlamasında “Titrəmə” qısametrajlı filminin rejissoru Amil Amal (Məmibəyli) deyib.

O, filmin dünyanın nüfuzlu festivallarına təqdim ediləcəyini bildirib.

Qeyd edək ki, müharibə mövzusunda olan filmin ssenari müəllifləri Aqşin Evrən, Amil Amal (Məmibəyli), Ayşad Səfərəliyev, operatoru Əli Sultanov, bədii rəhbəri və prodüseri əməkdar incəsənət xadimi Cəmil Quliyevdir.

Filmdə İlqar Cahangir, Bəhruz Vaqifoğlu kimi aktyorlar yer alıb.