Ermənistan silahlı qüvvələrinin dinc Gəncə şəhərini ballistik raketlərlə atəşə tutmasından bəhs edən “Mən Gəncəyəm” adlı sənədli film çəkilib.

Kult.az xəbər verir ki, rejissoru Ramil Ağasiyev olan film aktyor Ziya Ağanın vizyonu ilə təqdim olunur. Dünya ictimaiyyətinə təqdim edilməsi üçün filmdə ingilis dilində titrlər yer alıb.

Sənədli filmin quruluşçu operatoru Fahir Səmədoğlu, prodüseri Zamiq Əlövsətoğlu, quraşdırıcısı Rasim Ramazanovdur.

Qeyd edək ki, 4, 11 və 17 oktyabr tarixlərində Ermənistan silahlı qüvvələrinin Gəncənin raket və artilleriya atəşinə tutması nəticəsində 26 nəfər həlak olub, 138 nəfər yaralanıb.