"20th Century" şirkəti 1990-cı ildə çəkilən "Evdə tək" filminin yeni versiyasının ilk fraqmanını nümayiş etdirib.

Kult.az xəbər verir ki, film fraqmanı 33 min izləyicidən "dislayk" alıb.

11 min izləyici isə fraqmanı bəyənib.

Yeni film orijinalın süjetindən çox da fərqlənmir. Ailə əsas personajı unudaraq milad tətili üçün xaricə gedir və oğlan evi soyğunçulardan qorumaq məcburiyyətində qalır.

Yeganə fərq isə yeni versiyada valideynlərin Fransaya deyil, Yaponiyaya getməsi, evi soymağa çalışanların isə bir qadın və bir kişi olmasıdır. Qəhrəmanın adı Kevin deyil, Maksdır.

İzləyicilər filmi tənqid edib şərh yazıblar: "Heç vaxt orijinaldan daha yaxşı çəkə bilməzsən. Kevin qəlbimizdədir”; "Niyə? Niyə şah əsərləri yenidən çəkmək lazımdır? Hər şeyi, hətta əsas personajın anasının paltosunu da tamamilə kopyaladınız. Dəhşətdir "; "Yalnız Milad ruhunu öldürdün!"

Qeyd edək ki, yeni "Evdə tək" filminin premyerası noyabrın 12-də olacaq.