Ana səhifə Kult Sinema |
Nizami Kino Mərkəzi yeni ili "Dəlibal" filminin qala gecəsi ilə açacaq.
Axar.az xəbər verir ki, sabah "AF Media" şirkətinin təqdim etdiyi "Delibal" türk filminin qala gecəsində filmin baş qəhrəmanları Çağatay Ulusoy, Leyla Lydia Tuğutlu, rejissor Ali Bilgin və yaradıcı qrupun digər üzvləri iştirak edəcəklər.
Filmin təqdimatından sonra qonaqlar media üçün mətbuat konfransı keçirəcəklər.
Romantik dram janrında çəkilmiş bu film universitet tələbələri olan Barış və Füsunun eşq hekayəsindən bəhs edir. Memarlıq fakültəsində təhsil alan və boş vaxtında musiqi ifası ilə həyatın dadını çıxaran Barış Füsunu gördüyü anda ona aşiq olur. Adını belə bilmədiyi qızı tapıb eşqini anlatmaq bir yana, ağlında universiteti dərəcə ilə bitirib Amerikada təhsilini davam etmək istəyi olan Füsunu bu eşqə inandırmaq da var. Yaraşıqlı və ağıllı olan Barış sonunda bunu etməyi bacarır. O, Füsunu özünə aşiq edir və onlar evlənirlər. Hər şey nağıllarda olduğu kimidir, o nağıl pozulmayana qədər...
Tarix
2016.01.06 / 15:17
|
Müəllif
Nilufər Muğantürk
|