2019-cu ilin dekabr ayında ekranlara çıxması planlaşdırılan "Ulduz müharibələri" çoxseriyalı filminin sonuncu, 9-cu hissəsinin bəzi səhnələrinin çəkilişi üçün rejissor və çəkiliş heyəti Beynəlxalq Kosmik Stansiyaya çıxacaq.

Axar.az xəbər verir ki, bu barədə məlumatı filmin rejissoru olacaq Kolin Trevorrou ABŞ-da keçirilən Sandens Film Festivalında verib.

Məşhur rejissor hadisələri kosmosda baş verən "Ulduz müharibələri" çoxseriyalı filminin bir hissəsində istifadə olunacaq fon görüntülərinin həqiqətən də kosmosda çəkilməsi üçün Beynəlxalq Kosmik Stansiya ilə müqavilə bağladığını açıqlayıb.

Xatırladaq ki, dünya çərçivəsində 1.6 milyard dollar gəlir əldə edən "Yura dövrü" filminin rejissoru Kolin Trevorrou istehsalçı şirkət olan Disney ilə rekordçu "Ulduz müharibələri" filminin 9-cu hissəsinə rejissorluq etmək üçün razılaşıb.