Musiqi dünyasının ən önəmli və prestijli mükafatlarından hesab edilən "Qremmi" sahiblərinə təqdim edilib.

Axar.az grammy.com-a istinadən xəbər verir ki, 58-ci dəfə təşkil edilən mərasimə 3 mükafatı birdən alan amerikalı müğənni və aktrisa Teylor Svift damğasını vurub.

Müğənni "1989" adlı albomu ilə "ilin albomu", eyni albom ilə "ilin ən yaxşı pop vokal albomu", "Bəd Blad" klipi ilə "ən yaxşı klip" mükafatına sahib olub. "İlin ən yaxşı mahnısı" mükafatına Ed Şiran və Emi Uedcin "Sinkinq aut laud" (Thinking Out Loud) mahnısı layiq görülüb.

Los-Ancelesdə yerləşən "Steples Sentr"da baş tutan təqdimat mərasimində dünya ulduzları 83 kateqoriya üzrə mübarizə aparıb. Bütün mükafat sahibləri ilə Qremmi Mükafatlarının rəsmi saytı vasitəsi ilə tanış olmaq olar.