“Harri Potter” serialı üçün ilk aktyor heyəti rəsmi olaraq təsdiqlənib.

Kult.az xəbər verir ki, bununla bağlı HBO kanalı məlumat yayıb.

Albus Dambldor rolunda Con Litqou, Minerva Makqonaqal rolunda Canet Maktir, Severus Sneyp rolunda Paapa Essiedu və Rubeus Hagrid rolunda Nik Frostun çəkiləcəyi təsdiqlənib.

Bundan əlavə, Lyuk Tallon Kvirinus Kvirrel obrazını canlandıracaq. Pol Uaythaus isə Argus Filç rolunda çıxış edəcək.

Qeyd edildiyi kimi, bu, çoxdan gözlənilən serial üçün təsdiqlənmiş ilk aktyorlardır. Baş rollara – Harri, Ron və Hermionaya gəlincə, HBO açıq kastinq elan edib və 30 000-dən çox müraciət qəbul olunub.

Serialın çəkilişlərinə bu yay başlanacağı gözlənilir.