Yuxarı

Spiker İrəvanı dəstəkləyən Afinaya niyə gedir?

Ana səhifə Siyasət
12 Punto 14 Punto 16 Punto 18 Punto

Azərbaycanla Yunanıstan arasında enerji sahəsində əməkdaşlıq bir müddətdir ki, mövcuddur. Yunanıstan tranzit ölkə kimi Azərbaycanın gələcək enerji layihələrində də önəmli rollardan birini oynaya bilər. Təbii ki, Azərbaycan və Yunanıstan arasındakı əlaqələrin sabahı Türkiyə və Yunanıstan münasibətləri ilə birbaşa bağlıdır.

Bu sözləri Axar.az-a açıqlamasında politoloq Zaur Məmmədov deyib.

Onun sözlərinə görə, Azərbaycan və Yunanıstanın əlaqələri əvvəllər normal səviyyədə olub, lakin rəsmi Afinanın haqsız mövqeyi bu münasibətlərin pozulmasına gətirib çıxarıb:

“Azərbaycanın Yunanıstanla əlaqələri əvvəllər normal səviyyədə olsa da, sosialistlərin hakimiyyətə gəlməsindən sonra sözügedən münasibətlər rəsmi Afinanın ədalətsiz mövqeyi səbəbindən pozuldu. Çünki Yunanıstan hökuməti haqsız şəkildə SOCAR-ı müxtəlif layihələrdən uzaqlaştırdı. Yunanıstan müharibə zamanı Ermənistanı dəstəkləsə də, Fransa və hətta İran kimi açıq şəkildə ermənipərəst bəyanatlar verməkdən çəkindi. Yunanıstanın Şərqi Aralıq dənizində Türkiyəyə qarşı vaxtilə Birləşmiş Ərəb Əmirlikləri, Fransa, Misir, Səudiyyə Ərəbistanı kimi ölkələrlə qurduğu koalisiya da iflasa uğrayıb. Türkiyə burada kimin söz sahibi olduğunu göstərib. Bu gün Yunanıstan və Türkiyə arasındakı münasibətləri gərginləşdirmək istəyən dövlətlər də var. Bu kimi məsələlər nəzərə aldıqda Milli Məclisin sədri Sahibə Qafarovanın Yunanıstana səfərinin çox önəmli olduğunu qeyd etmək mümkündür. Əgər səfər zamanı görüşlər müsbət nəticələnsə, biz bunun ardınca XİN-lər arasında təmasların intensivləşəcəyini deyə bilərik”.

Politoloq Ermənistanın və dünyadakı erməni lobbisinin bəzən müxtəlif xarici ölkələrdə parlamentarilərin rüşvət və digər vasitələrlə Azərbaycan və Türkiyənin əleyhinə qərar qəbul etməsinə nail olduğunu vurğulayıb:

“Biz bunun nümunələrini müharibə dövründə həm Fransada, həm də Niderlandda gördük. Türkiyə və Azərbaycana qarşı bu kimi neqativ fəaliyyətlər yenə də mümkündür. Ona görə də ən azından parlamentlər arasında dialoq olmalıdır. Bu da Sahibə Qafarovanın səfərinin ikinci önəmli məqamıdır”.

Zaur Məmmədov deyib ki, Azərbaycan dövləti Qarabağ müharibəsindən sonrakı mərhələdə xarici ölkə parlamentlərində müsbət qərarların verilməsinə nail olmaq üçün fəaliyyətləri sürətləndirib:

“Əvvəllər Rusiya parlamentində Azərbaycan əleyhində ifadələri, fikirləri biz tez-tez eşidirdik. Ancaq hazırda Rusiyada bir çox politoloq və deputat ölkəmizin mənafeyini müdafiə edən mövqe sərgiləyir. Ukrayna müharibə dövründə açıq şəkildə müxtəlif səviyyələrdə ölkəmizə dəstəyini ifadə edib. Buraya İtalyanı da əlavə etmək olar. Düşünürəm ki, Yunanıstan da parlamentli respublika olduğu üçün bu istiqamətdə onlarla da fəaliyyət aparmaq vacibdir”.

Tarix
2021.10.20 / 09:07
Müəllif
Söhrab İsmayıl
Şərhlər
Digər xəbərlər

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla