Macarıstan bir neçə həftə əvvəl razılaşdırılmış Avropa Birliyinin Sülh Fondundan Ermənistana 10 milyon avroluq dəstək layihəsinə veto qoyub.

Axar.az xəbər verir ki, bu barədə “Azadlıq" radiosunun Ermənistan bürosu məlumat yayıb.

Məlumata görə, Macarıstan vetonu qaldırmaq müqabilində Azərbaycanın da sözügedən proqrama daxil olunmasını tələb edib.

Qeyd edək ki, Avropa Birliyinin Sülh Fondundan Ermənistana 10 milyon avroluq yardımın ayrılması ilə bağlı ilkin razılıq sənədlərinə görə, bu maliyyə yardımı bir batalyon üçün modul tipli səhra düşərgəsi yaratmağı, bu düşərgəyə bir tibbi yardım klinikası, habelə müvafiq xidmətlər və imkanlar daxil edilməsini nəzərdə tutur.