Təbrizdə məşhur "Pinokio" kukla tamaşası səhnəyə qoyulacaq.

Kult.az xəbər verir ki, bu haqda təbrizli rejissor Əli Bərnun məlumat yayıb.

"Pinokio" tamaşası Təbrizdə və Azərbaycan türkcəsində ilk dəfə nümayiş etdirilir. Bu əsərin istehsalı təxminən beş ay çəkib", - o bildirib.

Bərnun deyib ki, "Pinokio" 80-ci illərdəki uşaqların çoxu üçün gözəl xatirədir: "Bu tamaşa valideynlər və onların uşaqları arasında körpü rolunu oynaya bilər".

Təbrizli rejissor həmçinin Təbrizdəki teatr salonlarının vəziyyətindən narazılığını bildirərək, məsulların teatra laqeyd münasibətinin bu sənət sahəsinin kifayət qədər inkişaf etməsinə mane olduğunu söyləyib.