Əlbəttə ki, müqaviləmə görə oktyabr ayında olacaq tamaşalarda iştirak edəcəyəm.

Bu sözləri xalq artisti Fuad Poladov Akademik Dram Teatrından getməsi haqda Axar.az-a danışarkən deyib. Xalq artisti qeyd edib ki, müqavilə bitdikdən sonra Azdramdan ayrılacaq:

"Bu tamaşalar bitdikdən sonra Azdramdan ayrılacağam. Bundan sonra hara gedəcəyəm? Guya başqa hansı teatr var ki?"

Qeyd edək ki, teatrdan verilən açıqlamada F.Poladovun Azdramdan getmədiyi, işinə davam etdiyi bildirilmişdi. Teatrın mətbuat katibi Cavid Zeynallı da sabah, 28 oktyabrda F.Poladovun Azdramda səhnəyə çıxacağını açıqlamışdı.

Xatırladaq ki, gənc aktyor Hikmət Rəhimovun Azdramdan qovulmasına etiraz əlaməti olaraq Fuad Poladovun teatrdan istefa verdiyi haqda xəbər yayılıb.