Bibliya motivi əsasında Braziliyanın Nova-Arts şəhərində səhnələşdirilən dram zamanı qeyri-adi olay yaşanıb.

Kult.az xəbər verir ki, İsa Məsihin çarmıxa çəkildiyi epizodunda tamaşaçılardan biri dözməyərək səhnəyə cumub. O, “legioner”ə hücum edib, motosikl kaskası ilə başına vurub. Digər aktyorlar dərhal müdaxilə ediblər və dava davam edib. Az sonra tamaşaçını sakitləşdiriblər.

Şahidlərin sözlərinə görə, kütlənin içinə gorən tamaşaçı “İsanı ölməyə qoymayacam” deyə qışqırıb.

Polisin məlumatına görə, sözügedən şəxsdə psixi pozuntu olub, onun narkotik tərkibli dərmanlardan istifadə etdiyi ehtimal edilir.

Tamaşaya bir müddət fasilə verilsə də, heç kəs zərər çəkmədiyi üçün dram davam etdirilib.

Ağır zərbə alan aktyoru isə başına geyindiyi legioner dəbilqəsi xilas edib və o, heç bir zədə almayıb.