Ana səhifə Kult Teatr |
Ölkənin müstəqil teatrları olan Oda və ADO fəaliyyətini dayandıra bilər.
Bu barədə Axar.az-a hər iki teatrın rəhbəri Elmin Bədəlov məlumat verib.
Onun sözlərinə görə, maliyyə sıxıntısı üzündən teatrların taleyi sual altındadır: "Artıq o həddə çatmışıq ki, teatrları bağlamaq haqda düşünürük. İki min manata yaxın borcumuz var.
Bunların içərisində məhkəmə, vergi və yer sahibinə olan icarə haqqı borcları yığılıb. Teatrın stullarını satışa çıxardıq, ancaq alan olmadı. Qalmışıq belə, bilmirik neyləyək. Bircə ümidimiz tamaşaçılarımızadır".
Teatr rəhbərinin sözlərinə görə, onların növbəti icarə haqqını ödəmələrinə çox az vaxt qalıb: "15-20 gün vaxtımız qalıb. Artıq yeni reklam növləri haqqında düşünürük və çıxış yolları axtarırırq. ODA teatrı dəfələrlə bağlanmaq təhlükəsi ilə üz-üzə qalıb.
Ancaq hər dəfə bir vasitəylə bu sıxıntıdan xilas ola bilmişik. Əsasən də tamaşaçılarımızın dəstəyi ilə bu problemləri aşmışıq. Ancaq bu dəfə əl atdığımız vasitələrin əksəriyyəti uğursuz çıxır".
Qeyd edək ki, ODA teatrı 2013-cü ildə, ADO teatrı isə bir neçə ay bundan öncə yaranıb. ODA gənclər arasında sevilən və insanların marağına səbəb olan teatr kimi tanınır.
Tarix
2015.11.03 / 17:33
|
Müəllif
Nigar İxtiyarqızı
|