Sənətinə önəm verdiyim insanların fikri mənim üçün önəmlidir.

Bu sözləri aktyor Fərda Xudaverdiyev bəzi yaşlı aktyorların gənc həmkarlarına laqeyd münasibəti ilə bağlı Axar.az-a danışarkən deyib:

"Mən həmişə böyüklərə hörmətlə yanaşmışam. Onların çoxundan da eyni zamanda hörmət və sevgi görmüşəm. Məsələn, şəxsiyyətinə pərəstiş etdiyim, özümə müəllim kimi seçdiyim rəhmətlik Yaşar Nurinin sözləri mənim üçün qanun idi. Onun və Telman Adıgözəlovun bəyənməsi mənə kifayətdir. Bir insanı heç də hamı bəyənə bilməz. Zövqlər müxtəlifdir, məni bəyənməyə də bilərlər, bu, normal haldır.

Bilirsiniz, bizdə ən böyük problem odur ki, hamı ancaq bir-birinin arxasınca danışır. Səhvimiz olanda bir böyük kimi yanlarına çağırıb məsləhət versələr, belə etməkdən daha yaxşı olar, məncə".