Aprelin 1-də Azdramda konsertimiz oldu. O konsertdən sonra iki tanınmış aktyoru - Nofəl Şahlaroğlu və Elmir Nəsirovu komandadan çıxardıq.

Bu sözləri aktyor Elşad Yusubov "Abırlı oğlanlar" komandasından Nofəl Şahlaroğlu və Elmir Nəsirovun komandadan qovulması haqda Axar.az-a danışarkən deyib. Aktyor onların ssenaridən kənar sözlər işlətdiklərini bildirib:

"Səbəb o oldu ki, sən demə, onlar konsert zamanı əxlaqsız söz işlətməyi planlaşdırıbmışlar. O sözləri eşidəndən sonra sponsorların neçəsi zalı tərk etdi. Sonra onlar bəzi yanlış hərəkətlərə yol verdilər, bu dəfə də 30-40 nəfər zaldan çıxdı. Bundan sonra rejissor Ramil Adiloğlu və mən qərara aldıq ki, bu iki nəfər komandanı tərk etsin. Onu da qeyd edim ki, gedənlərin yerinə iki tanınmış aktyorumuz da gəlib və biz Rəşid Behbudov adına Mahnı Teatrında aprelin 23-dən 27-dək yeni konsertimizi keçirəcəyik. Artıq hazırlıqlara başlamışıq".