İngiltərənin paytaxtı Londonda ilk dəfə səhnəyə qoyulacaq "Harri Potter və lənətlənmiş uşaq" adlı tamaşa Harri Potter heyranlarını Londana cəlb edir.

Axar.az xəbər verir ki, 2017-ci ilin mayına qədər səhnəyə qoyulacaq tamaşanın biletləri 800 sterlinqə qədər yüksəlib. Tamaşanın premyerası üçün nəzərdə tutulan 40-dan çox bilet dəqiqə çəkmədən satılıb. Bəzi biletlərin qiyməti qara bazarda 995 strelinqə çatıb.

İngilis mediası təkcə İngiltərədən deyil, Harri Potterin bütün heyranlarının tamaşanı izləməyə gələcəyini bildirib.

Qeyd edək ki, Coan Roulinqin "Harri Potter" silsilə romanları dünyada əldə etdiyi uğurlara görə, "Dünyanın ən tez satılan kitabı", "Dünyanın ən çox satılan uşaq kitabı" kimi ədəbiyyat tarixinə düşüb. Onun romanlarına çəkilən filmlər böyük izləyici auditoriyası qazanıb.