11:07

Kimin artıq arvadı varsa, evlənməyə imkanı olmayan müsəlman qardaşına versin.

A24.az xəbər verir ki, bunu Mingəçevirdə yerləşən məscidin axundu Hacı Ələmdar çıxış edərkən deyib.

Onun sözlərinə görə, keçmişdə 3 arvadı olana tapşırılıb ki, artıq arvadlarını kiməsə versin, kimləsə evləndirsin. Çünki peyğəmbər deyib ki, subay ölən şəxs mənim ümmətimdən deyil.

***

Axund Ələmdar Qiyasov “Xəzər Xəbər”ə açıqlamasında sözlərinin təhrif olunduğunu deyib. Axund qeyd edib ki, kiminsə belə bir sözü deməyə haqqı yoxdur. Çünki islam dinində belə bir tələb yoxdur.

Axund onu da bildirib ki, video 2 il bundan əvvəl çəkilib. Üstündən bu qədər vaxt sonra bir hissəsinin belə yayılması təxribat məqsədi daşıyır.

Məsələ ilə bağlı Qafqaz Müsəlmanlar İdarəsindən də açıqlama verilib. İdarə bəyan edib ki, hər hansı bir din xadiminin çıxışından, moizəsindən. ya da xütbəsindən fikirlərinin bir hissəsinin konteksdən çıxarılmış formada verilməsi qəbuledilməzdir. Çünki belə hallarda fikir təhrif olunur ki, bu da təxribat sayılır.