Millət vəkili Qənirə Paşayeva hazırda ağır xəstə olan kəşfiyyatçımız Aqil Əhmədova baş çəkib.

Axar.az xəbər verir ki, millət vəkili Aqil Əhmədovun ciddi əməliyyat və müalicəyə ehtiyacı olduğunu bildirib.

Məsələ ilə bağlı Səhiyyə və Müdafiə Nazirliyinə müraciət edən millət vəkili bu qurumları Aqil Əhmədovun xaricdə əməliyyat və müalicəsinin həyata keçirilməsinin təmin edilməsində təcili dəstəyə çağırıb.

Qeyd edək ki, millət vəkili Qənirə Paşayeva ötən gün Milli Məclisin iclasında düşmən əlinə keçməmək üçün özlərini partladan 7 qəhrəman kəşfiyyatçımızın və ölümündən sonra orden və medalla təltif olunan qəhrəman şəhidlərimizin bölgələrdə xatirəsinin əbədiləşdirilməsi, həmçinin 8 nəfərlik kəşfiyyat dəstəsindən sağ qalan Aqil Əhmədova yüksək səviyyədə qayğının göstərilməsi ilə bağlı məsələ qaldırmışdı.