Azərbaycanın aşağı büdcəli aviareysi olan “Buta Eirveys"in Bakı İstanbul reysi təxirə salınıb.

Report xəbər verir ki, J2 9103 təyyarə yerli vaxtla 07:45-də uçmalı imiş.

Məlumata görə, təxminən, bir saata qədər sərnişinlər salonda qaldıqdan sonra düşürdülüb və onlara 09:30-da təşkil ediləcək reyslə İstanbula uçacaqlarını bildiriblər.

Azərbaycan Hava Yolları (AZAL) QSC-nin mətbuat xidmətinin rəhbəri Paşa Kəsəmənski bildirib ki, təyyarə texniki səbəblərdən havaya qalxa bilməyib:

“Hava gəmisinin kapitanı təyyarə texniki səbəbdən dəyişməyi qərara alıb. Təxminən 10 dəqiqədən sonra sərnişinlərin minişi başlayacaq və 09:30 üçün təyyarənin havaya qalxması gözlənir”.

Qeyd edək ki, J2 9103 reysi Embraer ERJ-190 təyyarələri ilə həyata keçirilir. Təyyarələr İstanbulun Sabiha Gökçen Hava Limanına həyata keçirilir.