Bu gündən etibarən sərinləşdirici içkilərin bahalaşması qərarı qüvvəyə minib.

Axar.az xəbər verir ki, Avropa Yay Oyunlarının reklamçısı olan "Azərbaycan Coca-Cola Bottlers" MMC itkilərini kompensasiya etmək üçün qərarını dəyişmədi.

Şirkətin istehsal etdiyi bir sıra sərinləşdirici qazlı və qazsız içkilərin qiyməti yanvarın 24-dən etibarən 10-20 qəpik bahalaşıb.

Benzinin qiyməti ilə eyni gündə bahalaşan "Koka-kola" məhsullarının qiymətininin düşəcəyi gözləntiləri özünü doğrultmadı.

Artıq mağazalarda bu içkilər aşağıdakı şəkildə bahalaşıb:

- 0,5 lt plastik qabda qablaşdırılan "Cappy" içkisi 60 qəpikdən 70 qəpiyə

- 0,5 lt plastik qabda qablaşdırılan "Fuse tea" içkisi 60 qəpikdən 70 qəpiyə

- 0,5 lt plastik qabda qablaşdırılan "Burn" içkisi 1 manat 90 qəpikdən 2 manat 10 qəpiyə

- 0,5 lt plastik qabda qablaşdırılan "Bonaqua" (qazlı və qazsız) içkisi 20 qəpikdən 25 qəpiyə

- 2 lt plastik qabda qablaşdırılan "Bonaqua" (qazlı və qazsız) içkisi 50 qəpikdən 60 qəpiyə

- 5 lt plastik qabda qablaşdırılan "Bonaqua" (qazsız) içkisi 1 manat 10 qəpikdən 1 manat 30 qəpiyə artırıldı.