Fotoqraf, operator və şair Dadaş Adna vəfat edib.

Axar.az xəbər verir ki, 1978-ci il fevralın 3-də Naxçıvanda anadan olan Dadaş Adnanın ölümünə səbəb uzun müddətdir əziyyət çəkdiyi qan xərçəngi xəstəliyi olub.

Qısa və özünəməxsus şeirləri ilə tanınan şair uzun illər kənd fotoqrafı kimi çalışıb. Müxtəlif müsabiqələrdə iştirak edən fotoqraf daha çox art fotolar çəkib.

Fotoqraf doğulduğu və yaşadığı Naxçıvan Muxtar Respublikasının Sədərək rayonunda dəfn olunub.

Xatırladaq ki, daha çox fotoqraf kimi tanınan Dadaş Adna Elvin Adıgözəl və Ru Həsənovun birgə çəkdiyi, 66-cı Locarno Beynəlxalq film festivalında iştirak edən "Buqələmun" filminin operatoru olub.

Dadaş Adnanın video-müsahibəsini təqdim edirik:

Ruhu şad olsun!