Rusiyanın koronavirusa qarşı hazırladığı vaksin Ümumdünya Səhiyyə Təşkilatında təsdiq edilməlidir.

Bu sözləri Axar.az-a Tibbi Ərazi Bölmələrini İdarəetmə Birliyinin (TƏBİB) mətbuat xidmətinin rəhbəri Rəvanə Əliyeva Rusiyanın koronavirusa qarşı “Sрutnik V” vaksininin satın alınması ilə bağlı danışarkən deyib.

Onun sözlərinə görə, bu vaksin Rusiya Federasiyasında sınaq müddətini yeni başa vurub, lakin hələ təsdiqlənməyib:

“Bu vaksin sınağın uğurlu keçməsi nəticəsində qeydiyyata alınıb, lakin Ümumdünya Səhiyyə Təşkilatı məsələ ilə bağlı rəsmi məlumat verməyib”.

R.Əliyeva Azərbaycanın hazırda ÜST-lə sıx əməkdaşlıq etdiyini və ölkəmizdə təşkilatın nümayəndələrinin olduğunu xatırladıb:

“Nümayəndələr həm Azərbaycanda koronavirusla mübarizə aparmaq, həm də dünya təcrübəsini qısa müddətdə ölkəmizə gətirmək üçün fəaliyyət göstərirlər. “Sрutnik V” vaksini ÜST-də qəbul edilib genişmiqyaslı istifadəsinə icazə verildikdən sonra Azərbaycanda da tətbiq ediləcək”.