Psixoloqların analizləri və statistik məlumatlar bəzi bürclərin “qaranlıq tərəflərə” daha çox meyilli olduğunu ortaya qoyur. Hər bir insan fərqli olsa da, bürclərin xarakterik xüsusiyyətləri müəyyən davranış formalarına işıq tuta bilir.

Axar.az xəbər verir ki, astrologiyaya görə, bəzi bürclər psixoloji baxımdan daha təhlükəli xüsusiyyətlərə sahib ola bilər.

Mütəxəssislərə görə, “psixopatlığa ən çox meyilli” 4 bürc bunlardır:

Əqrəb (23 oktyabr – 21 noyabr)

Qaranlıq, sirli və intiqamçı… Əqrəblər hisslərini dərinlikdə yaşayır və asanlıqla bağışlamır. Soyuqqanlı və strateji düşüncə tərzləri sayəsində bəzən duyğusuz təsir bağışlaya bilirlər. Manipulyasiya bacarıqları yüksək olan əqrəblər əsəbiləşdikdə dağıdıcı ola bilirlər.

Oğlaq (22 dekabr – 19 yanvar)

Planlı, nizamlı, lakin bəzən duyğusuz… Oğlaqlar hadisələrə məntiq prizmasından yanaşır, vicdan yerinə məqsədlərini ön plana çəkə bilirlər. Soyuqqanlı davranışları empati çatışmazlığı kimi qiymətləndirilə bilər. Psixoloji araşdırmalara əsasən, serial cinayətkarlar arasında oğlaq bürcündən olanların nisbəti diqqətçəkicidir.

Əkizlər (21 may – 20 iyun)

Zəkası ilə yanaşı, dəyişkən xarakteri ilə də tanınır… Əkizlər istədikləri zaman hər kəsi inandıra biləcək qədər təsirli danışa bilirlər. İkiüzlülük, manipulyasiya və ani emosional dəyişikliklər onları təhlükəli edə bilər. Gerçək hisslərini gizlətməkdə ustadırlar.

Dolça (20 yanvar – 18 fevral)

Soyuq, məsafəli və qaydalara qarşı etinasız… Dolçalar bəzən cəmiyyətin xaricində dayanmağı üstün tutur. Ənənəvi emosional bağlar onlara darıxdırıcı görünə bilər. Fərdiyyətçiliyi yüksək olan dolçalar başqalarının hisslərinə biganə qala bilər. Bu isə onları “robotvari” və hətta psixopat kimi göstərə bilər.