ANS televiziyası ATV-dən daha bir transferini reallaşdırıb.

1Xəbər.com xəbər verir ki, köhnə əməkdaşları geri qaytarmağa cəhd göstərən ANS, bununla yanaşı, digər televiziyalardan da təcrübəli işçiləri heyətinə qatmağa çalışır.

Artıq ANS rəhbərliyinin bu istiqamətdə atdığı ilk cəhd uğurlu alınıb. ATV-də uzun müddət xəbər aparıcısı olmuş Alidə Mustafayeva yaxın günlərdə ANS-in efirində görünəcək. Tanınmış aparıcının ANS-də sınaq çəkilişlərinə başladığı bildirilir.

Xatırladaq ki, ATV İlqar Mikayıloğlu, Mətanət Əliverdiyeva, Aytən Səfərova kimi məşhur simaları ANS-dən "oğurlamışdı". Bundan sonra iki kanal arasında soyuq müharibəyə start verilmişdi.