Parisdə Femen fəallarından biri Putinin mum heykəlinə hücum eləyib.

Axar.az İspaniyanın "El Periodiko" qəzetinə istinadən məlumat verir ki, Putinin Fransa rəhbərləri tərəfindən "Neptun" əməliyyatının 70 illik yubileyinə dəvət edilməsinə etiraz olaraq "Femen" qrupunun üzvlərindən biri Parisdə Qrevin Mum Muzeyində taxta paya ilə Rusiya prezidenti Vladimir Putinin heykəlini parçalayıb.

Femen sözçüsü bildirib ki, onlar üzləşəcəkləri ittihamlardan xəbərdardırlar.

Sosial şəbəkələrdə yayılan fotolardan aydın görünür ki, o, Putinin heykəlini başdan ayağa qədər yarıb.

Qeyd edək ki, bu cümə Alman Xarici İşlər naziri Anhela Merkel, ABŞ prezidenti Barak Obama və 19 ölkə rəhbəri ilə birlikdə Putin də Fransa İcra Hakimiyyəti tərəfindən II dünya müharibəsində uğurla həyata keçirilən "Neptun" əməliyyatının 70-ci ildönümünə dəvət olunub.

Xatırladaq ki, bu, "Femen" fəallarının Putinə qarşı keçirdiyi birinci etiraz aksiyası deyil. Daha əvvəl Putinin Brüssel, Hanover, Nyu York və Soçidə Olimpiya Oyunlarına səfəri zamanı da aksiyalar keçirilib.