"Cənubi Osetiyanın müstəqilliyinin tanınması ilə bağlı Cənubi Amerika və Afrikada iş aparılır".

Axar.az xəbər verir ki, bu açıqlama ilə qondarma "Cənubi Osetiya Respublikası"nın lideri Leonid Tibilov çıxış edib.

Onun sözlərinə görə, Çxinvalinin müraciət etdiyi ölkələr hələlik bununla bağlı iş aparıldığını bildirirlər. Tibilov həmçinin hazırda Cənubi Osetiyanın ayaq üstündə qalmasına Rusiyanın yardım etdiyini bildirib:

"Venesuela, Nikaraqua və Nauru bizim müstəqilliyimizi tanıyır. Onların vasitəsilə biz digər ölkələrə də çıxmağa çalışacağıq".

Qeyd edək ki, Cənubi Osetiya Gürcüstanın bir parçasıdır. 2008-ci ildə Gürcüstanla Rusiya arasında olan savaşdan sonra Moskva onun müstəqilliyini rəsmən tanıyıb.