Sosial şəbəkədə yeni layihəyə başlayıram. Milli Məclisin deputatı kimi gündəlik fəaliyyətimin hesabatını hər gün burada yazmaq fikrindəyəm.

Axar.az xəbər verir ki, bu sözləri deputat Aydın Mirzəzadə Feysbuk səhifəsində qeyd edib.

Millət vəkilinin sözlərinə görə, layihə bu ilin axırınadək davam edəcək: "Gündəlikdə həm gördüyüm işlər, həm də üzərində çalışdığım məsələlər barədə məlumat veriləcək".

Deputat artıq ilk hesabatını da verib. O, müalicəsinə yardım istənilən Bakı Dövlət Universitetinin tələbəsi Əmirxan Səfərovun müalicəsi ilə bağlı Səhiyyə Nazirliyi ilə danışdığını bildirib. Nəticədə tələbənin müalicəsi ciddi nəzarətə götürülüb.