ABŞ-ın təsdiqləmədiyi bəzi layihələrə görə öz təşəkkürümü bildirirəm. Çünki bu durum bizə öz sistemlərimizi inkişaf etdirməyimizə təkan verdi.

Axar.az xəbər verir ki, bu sözləri ABŞ-da səfərdə olan Türkiyə Müdafiə Sənayesi naziri İsmayıl Dəmir deyib.

"Kinayəli şəkildə demək istəmirəm. Lakin ABŞ-ın təqsdiqləmədiyi hər layihəyə görə təşəkkürümü bildirirəm. Bu, bizə öz sistemlərimizi inkişaf etdirməyimizə təkan verdi. Silahlı pilotsuz təyyarə layihələrinin rədd edilməsindən bir neçə il sonra Türkiyə təkbaşına bunu hazırlamağı bacardı. Müdafiə sənayemiz həm müdafiə, həm də hücum anlamında çox inkişaf etdi. Türkiyə terrora qarşı mübarizə apardığı zamanda ABŞ-dan lazımi dəstəyi almadı. NATO üzvü Türkiyə terrorçularla döyüşəndə ABŞ Konqresi bəzi silahların satılmamasında israr etdi", - Dəmir bildirib.