Səudiyyə Ərəbistanı ilə İran arasındakı qarşıdurma Rusiya hakimiyyətini də çətin dilemma qarşısında qoyub.

Axar.az xəbər verir ki, bu haqda politoloq Elxan Şahinoğlu açıqlama verib. Onun sözlərinə görə, Kreml Tehranın yanında yer ala bilməz:

"Kreml Əsədə verdiyi hərbi dəstəyə görə Şiə blokunun - İran, İraq və Hizbullahın yanında yer alıb. Ancaq məsələ burasındadır ki, Rusiyanın müsəlman əhalisinin əksəriyyəti özünü sünni məzhəbinə aid edir və İrana elə bir rəğbətləri yoxdur. Ona görə də Kreml Səudiyyə Ərəbistanı-İran qarşıdurmasında Tehranın yanında yer ala bilməz. Rusiya Xarici İşlər Nazirliyinin Ər-Riyad-Tehran qarşıdurmasıyla bağlı son balanslı açıqlaması da bundan xəbər verir".