Ötən il ərzində 124 nəfər sürücü işdən azad edilib.

Axar.az xəbər verir ki, bunu "Bakı Bus"un direktor müavini Azər Qasımov deyib.

O bildirib ki, bu il isə 85 sürücü sərnişin şikayətlərinə görə işindən azad edilib:

"İl ərzində 4-5 dəfə 3 saata yaxın seminarlar olur. Onlara nizam-intizam, sərnişinlərlə davranış qaydalarına dair iclaslar olur. Lakin buna əməl etməyən sürücülər olur. Biz xaricdən ən son standartlara uyğun avtobuslar gətirə bilərik, lakin sürücü gətirə bilmərik".

Qurum rəsmisi onu da əlavə edib ki, 200-300 nəfər isə kobud rəftar və qaydalara əməl etmədikləri üçün tənbeh olunublar:

"Bizim avtobusların çox ağır yol-nəqliyyat hadisələrində adları hallanmır. Bunun səbəbi nəqliyyat sahəsində güclü ekspertlər vasitəsilə sürücülərə peşəkar təlimlərin keçirilməsidir".