Model Günay Musayeva Türkiyə telekanallarında yayımlanan "Bu vatanın çocukları" video-çarxına münasibət bildirib.

Musavat.com xəbər verir ki, model İnstaqram səhifəsində video-çarxda azərbaycanlıların adının yer almamasına etiraz edib:

"Təəssüf ki, son zamanlar telekanallarda yayımlanan videoda Azərbaycanın adı çəkilməyib. "Nə mutlu erməniyəm" ifadəsi olsa da, Azərbaycanın yada salınmaması diqqətimi çəkdi. Yaşadığımız kədərli hadisələrdə Azərbaycan ölkə və xalq olaraq həmişə Türkiyəyə dəstək olub. Amerikada alınan müsahibəyə görə ANS telekanalı bir aylıq bağlanıb, 550 jurnalist, işçi küçədə qalıb. Qafqaz Universiteti daxil olmaqla, bir çox təhsil mərkəzi qapadılıb. Bütün bunlar bir millət, iki dövlət qardaşlığının, bərabərliyinin simvoludursa, Azərbaycana bu videoda niyə yer verilməyib? Mənə maraqlı gəldi. Hər iki ölkənin vətəndaşı və birini digərindən ayırmadan sevən bir vətəndaş olaraq bu yazını paylaşıram".