"Azərbaycanın artıq manevr imkanları bağlanıb".

Axar.az xəbər verir ki, bu açıqlama ilə rusiyalı politoloq Stanislav Tarasov çıxış edib. O, Azərbaycanın Avsrasiya İttifaqına dəvət edilməsinin başqa cür anlaşıla biləcəyini söyləyib:

"Azərbaycanın Rusiya tərəfindən Avrasiya İttifaqına qoşulması ilə bağlı edilən təklif başqa cür anlaşıla bilər. Azərbaycan prezidentinin eks-müşaviri Vəfa Quluzadə də rəsmi Bakının hazırda çətin vəziyyətdə olduğunu bildirir. Onun fikrincə, əgər Azərbaycana Qarabağ və Gömrük İttifaqı ilə bağlı təklif olsa, burada seçim çox çətin olacaq. Amerikalı ekspert Aleksandr Murinson isə Putinin Qərbin qərarsızlığından çox gözəl istifadə etdiyini deyir. Rusiya Azərbaycanın ətrafında üzük yaradaraq, vəziyyətini çətinləşdirib. İranı Moskva özünə müttəfiq hesab edir, Gürcüstanı neytrallaşdırıb, Türkiyə isə Avrasiya İttifaqına girmək haqqında düşünür. Azərbaycanın artıq manevr imkanları bağlanıb. Xüsusilə də İranın səhnəyə çıxmasından sonra bu vəziyyət daha da çətinləşir. Beləliklə, Zaqafqaziyada yeni geopolitik simanın yaranmasına çox qalmayıb".