Ankara və Berlin arasında baş verən dinləmə qalmaqalına Almaniya kəşfiyyatı münasibət bildirib.

Axar.az xəbər verir ki, "Hürriyət" qəzetinə danışan kəşfiyyatçılar faktı təsdiq edib. Kəşfiyyatçılar 2009-cu ildən bəri Türkiyəyə qarşı genişmiqyaslı dinləmə əməliyyatlarının aparıldığını və Türkiyənin əsas hədəf seçildiyini bildirib.

Kəşfiyyatçıların dediyinə görə, təlimatı birbaşa kansler Angela Merkel verib. Alman kəşfiyyatı dinləmələrlə bağlı hesabat xarakterli sənədlərin də tərtib olunduğunu bildirib. Açıqlanan sənədlərdə Türkiyənin NATO müttəfiqi olaraq atdığı addımlar, gördüyü işlər yer alır. Sənədlərdə Türkiyənin bölgədə çox böyük əhəmiyyətə sahib olduğu, terrorçularla Avropa arasnda "sərhəd" rolu oynadığı və buna görə də həmişə nəzarətdə olması vurğulanır.