Bakı-Şamaxı şossesində maşının ön ayaqlarını sındırdığı at iki gündür yol kənarında qalıb.

Axar.az xəbər verir ki, yerli sakinlər və hadisənin şahidi olanlar Feysbuk sosial şəbəkəsində ağır yaralı heyvanın fotosunu paylaşıblar.

Hadisə iki gün öncə Qobustan ərazisində, Ceyrankeçməz körpüsünün yanında baş verib. Belə ki, bir avtomobil yol kənarənda dayanan atı vuraraq qaçıb. Heyvanın ön ayaqlarının hər ikisi sındığından, tərpənə bilmir. İki gündür hərəkət edə bilməyən ağır yaralı olan heyvana sahib çıxan yoxdur.

Sakinlər fotonu və məlumatı paylaşaraq könüllü baytarlardan və ya heyvan mühafizə təşkilatlarından kömək gözləyirlər.

Jurnalist Turxan Qarışqa Feysbuk hesabında məlumatda qeyd edir ki, sakinlərdən biri Sərhədçi Atçılıq İdman Klubuna zəng edərək hadisə barədə məlumat verib. Vətəndaşa söz veriblər ki, sabah rəisə məruzə edib, məsələni yoluna qoyacaqlar!