Axar.az
Yuxarı

Axar.Az Logo

Şeyx fələstinli nazirlə görüşdü - Foto

Ana səhifə Gündəm
12 Punto 14 Punto 16 Punto 18 Punto

Oktyabrın 15-də Qafqaz Müsəlmanları İdarəsinin sədri, Şeyxülislam Allahşükür Paşazadə öz iqamətgahında ölkəmizə rəsmi səfərə gələn Fələstin Dövlətinin Xarici İşlər naziri Riyad əl-Malikini qəbul edib.

Axar.az-a QMİ-dən daxil olan məlumata əsasən, qonağı səmimi salamlayan Şeyxülislam həzrətləri Riyad əl-Malikinin səfərini mühüm hadisə hesab edib.

QMİ sədri Azərbaycanla Fələstin arasında dostluq əlaqələrinin tarixi köklərə əsaslandığını, son illərdə bu sahədə çox mühüm addımlar atıldığını deyib. Allahşükür Paşazadə bildirib ki, Azərbaycan beynəlxalq təşkilatlarda hər zaman Fələstin Dövlətinin haqq işini müdafiə edib və bu mənəvi dəstək bundan sonra da davam edəcək. Şeyxülislam həzrətləri ölkəmizin ərazi bütövlüyü məsələsində Fələstinin tutduğu mövqeyi yüksək qiymətləndirib. QMİ sədri səmimi salamlarını Fələstin Dövlətinin Prezidenti Mahmud Abbas cənablarına və bütün Fələstin xalqına çatdırmağı qonaqdan xahiş edib.

Səmimi qarşılanmaya görə minnətdarlıq edən Fələstin Dövlətinin Xarici İşlər naziri Riyad əl-Maliki qardaş ölkədə olmaqdan məmnunluq duyduğunu bildirib. Nazir deyib ki, Azərbaycan Fələstinə həm humanitar yardım göstərir, həm də ölkəsini beynəlxalq təşkilatlarda daim müdafiə edir. Fələstin Dövlətinin XİN rəhbəri əlavə edib ki, hər iki dost ölkə müxtəlif sahələr üzrə əməkdaşlığa böyük önəm verir və bu münasibətlər durmadan inkişaf etməkdədir. Riyad əl-Maliki Şeyxülislam Allahşükür Paşazadənin Azərbaycan və Fələstin xalqları arasında münasibətlərin inkişafındakı xidmətlərinin ölkəsində yüksək dəyərləndirildiyini diqqətə çatdırıb. O, Prezident Mahmud Abbasın adından Şeyxülislam həzrətlərini Fələstinə səfərə dəvət edib və bu dəvəti çatdırmaqdan məmnunluq duyduğunu deyib.

Şeyxülislam Allahşükür Paşazadə Riyad əl-Malikiyə xatirə hədiyyəsi təqdim edib. Qəbul qonağın şərəfinə verilən ziyafətlə başa çatıb.

Milli Məclisin üzvləri Cavanşir Paşazadə, Madər Musayev, Qalib Salahzadə, Eldar İbrahimov, Hüseynbala Mirələmov, Hadı Rəcəbli, Çingiz Qənizadə, QMİ sədrinin müavinləri - Hacı Sabir Həsənli, Hacı Fuad Nurullah, QMİ Aparat rəhbəri Simran Həsənov və Fələstin Dövlətinin ölkəmizdəki səfiri Nasir Əbdül Kərim mərasimdə iştirak ediblər.

Tarix
2014.10.16 / 14:05
Müəllif
Axar.az
Şərhlər
Digər xəbərlər

“Artsax” öldü, artıq leşdir: əl çəkin leşdən – Karamyan

Ermənilər bu xülyadan imtina etməlidir - Korotçenko

Prezidentin SOCAR-la bağlı qərarı: səbəb nədir? - Video

Azərbaycan Ermənistanın 17 muzdlusunu axtarışa verdi

Qarabağa sərmayə axını: hansı ölkə nə etmək istəyir?

Azərbaycanlı dənizçi necə öldürülüb? - Təfərrüat

Prezidentin yeni vəzifə verdiyi nazirimizdən açıqlama

Qarabağdakı rus hərbçilər antiterror təlimi keçirlər

Qarabağa qaytarılan ermənilərin son sayı

Hücuma məruz qalan türk gəmisi Qabondadır - Nazir

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla