Ankara Hacı Bayram Vəli Universitetində Quzey və Güney Azərbaycandan, Avropa ölkələrindən gəlmiş qonaqların iştirakı ilə "Quruluşunun 73-cü İldönümündə Güney Azərbaycan Milli Hökuməti" mövzusunda konfrans və yubiley şöləni keçirilib.

Axar.az xəbər verir ki, İran Türkləri Platforumu, Xəzər Mədəniyyət və Toplumsal Aydınlanma dərnəyi, Təbriz Araşdırma İnstititu və Hacı Bayram Universitetinin birgə təşkilatçılığı ilə baş tutan konfransda prof.dr. Əhməd Bican Ərcilasun, prof.dr. Heydər Çaxmaq, prof.dr. Abdullah Gündoğdu, DAK həmsədri Firudin Pərvizniya, Azərbaycan Öyrənci təşkilatı təmsilçisi Əmir Merdanı və DAK həmsədri Sabir Rüstəmxanlı çıxış etmişlər.

Yığıncaqdan sonra Ankara Türk Dünyası Müzik Topluluğu Orkestri, Xəzər Azərbaycan Xalq Rəqsləri ansanblı və Güney Azərbaycanın ünlü sənətçisi Cavid Təbrizlinin iştirakı ilə konsert verilib.