Gələn ildən sığorta üzrə yığım daha 4% artacaq.

Axar.az xəbər verir ki, bu sözləri Prezident yanında Qeyri-Hökumət Təşkilatlarına Dövlət Dəstəyi Şurasının üzvü, Vətəndaşların Əmək Hüquqlarını Müdafiə Liqası İcraiyyə Komitəsinin sədri Sahib Məmmədov deyib. O, işəgötürənlə işçi arasında bölgünü aydınlaşdırıb:

“İşçi 200 manata qədər əmək haqqı üzrə 3% (DSMF)+ 0,5%, İşsizlikdən sığorta fonduna+2% tibbi sığorta, 200 manatdan yuxarı hissədə isə 3% əvəzinə 10%+0,5%+ 2% ödəyəcək. İşəgötürən isə işçiyə ödənilən əmək haqqının 200 manata qədər hissəsində 22%+0,5 %+2%, əmək haqqının 200 manatdan çox olan hissəsində 15%+0,5%+2% ödəyəcək. Beləliklə, sosial ödəmələr 2017-ci ilə nisbətdə 5%, 2018-2019-cu illərə nisbətdə isə 4% artacaq”.

S.Məmmədov qeyd edib ki, bura istahsalata bədbəxt hadisə və peşə xəstəlikləri hallarından icbari sığorta daxil deyil:

“Bu sığorta 14 risk qrupu üzrə əmək haqqının 0,2%-dən 2%-nə qədər artır. Beləliklə, bu sığortanı da sayanda, ümumi sığorta yükü (işəgötürən və işçinin ödədiyi) əmək haqqının 32%-ə qədərini təşkil edir”.