ABŞ-ın ən böyük turizm və təqdimat forumu "Skift" ölkənin ən önəmli araşdırma şirkətlərindən "Blum"un 1 milyard onlayn axtarış üzərindən çıxardığı nəticələri açıqlayıb.

Axar.az xəbər verir ki, nəticələrə görə, Türkiyə turizmlə bağlı onlayn araşdırmalar kateqoriyasında dünyada 180 ölkə arasında 3-cü yerdədir.

Eyni siyahıda İspaniya və İtaliyadan sonra gələn Türkiyə "ziyarət" sözü ilə aparılan bütün axtarışlarda isə birinci yerdədir. Türkiyə "ümumi", "ixracat", "sərmayə", "turizm", "istedad", "milli şöhrət" kimi sözlərlə verilən axtarışlarda İspaniya və İtaliyadan sonra üçüncü yerdə qərarlaşıb.

Qeyd edək ki, 2014-cü ildə Türkiyəyə təxminən 42 milyon turist gəlib. Bu da ölkə iqtisadiyyatına 36 milyard dollar qazandırıb. Bu statistikaya görə, dünyada ən çox ziyarət edilən ölkələr arasında 6-cı sırada yer alan Türkiyəyə 2015-ci ilin ilk üç rübündə təxminən 33.5 milyon turistin gəldiyi açıqlanıb.