Yuxarı

İrəvan niyə Zəngəzura diversant göndərdi? – Yeni oyun

Ana səhifə Gündəm
12 Punto 14 Punto 16 Punto 18 Punto

Ermənistan dövlət sərhədinin Zəngilan istiqamətinə təxribat-diversiya qrupu göndərib, sərhədçilərimiz tərəfindən təxribatın qarşısı alınıb, 2 erməni hərbçi saxlanılıb.

İrəvan uzun müddət sonra təxribat fəaliyyətini açıq müstəviyə keçirir və bunun həm hərbi, həm də siyasi hədəfləri var:

Hərbi hədəf: diversiya qrupunun tapşırıq icra etmək üçün gəldiyi aydındır;

- Ordumuzun işğaldan azad edilmiş ərazilərdə mövqeləri ilə bağlı kəşfiyyat məlumatları toplamaq: bu, mümkün təxribat hücumunda Ermənistanın zərbə endirmək planının tərkib hissəsidir;

- Hərbi qulluqçularımıza, yaxud hərbi strukturlara qarşı terror hücumunun təşkil edilməsi.

Siyasi hədəf: Ermənistan danışıqlar prosesini pozmaq, sülh gündəmini arxa plana keçirmək istəyir; təxribatın Moskva görüşündən sonra, Kişinyov görüşündən öncə olması da buna hesablanıb;

- İrəvan Fransanın iştirak edəcəyi Kişinyov görüşünə böyük ümidlər bəsləyirdi, lakin buna qədər Brüssel və Moskvada oyunun dəyişdiyi, Ermənistanın Qarabağ və kommunikasiyaların açılması məsələsindəki mövqelərinin zəiflədiyi müşahidə edilir;

- 1 iyunda sülh sazişinin imzalana biləcəyini Paşinyan hələ Vaşinqton görüşündən dərhal sonra elan etmişdi, lakin Kişinyov görüşünə bir neçə gün qalmış ritorika dəyişdi; sülh sazişinin imzalana biləcəyini bu dəfə rəsmi Bakı deyir, rəsmi İrəvan təkzib edir, bu dəyişiklik Ermənistanın Kişinyov planının baş tutmayacağını anladığını da göstər;

- Və belə bir situasiyada təxribat-diversiya qrupunun göndərilməsi hərbi eskalasiyanı körükləyəcək, masadakı müzakirələri ikinci plana keçirəcək gedişinin edilməsidir.

Diversiya qrupunun Zəngilan istiqamətində - Zəngəzur dəhlizinin olduğu bölgəyə hücum etməsi təsadüfi deyil və bunun Moskva görüşündən sonra baş verməsi müəyyən ehtimalları da önə çıxarır.

Moskvada əsas müzakirə mövzusu kommunikasiyanın açılması, bu prosesdə maneə kimi görünən Zəngəzur dəhlizi məsələsi idi. Görüş haqqındakı yazımızda da qeyd etmişdik: dəhlizlə bağlı Ermənistanın önünə müəyyən sənədlərin qoyulduğu və bunun “dəhliz terminologiyası”ndan imtina edilməsi qarşılığında “maneəsiz keçid”in yollarının tapılmasından ibarət olduğu istisna deyil; İşçi qrupunun gələn həftə keçiriləcək görüşündə detallar müzakirə olunacaq.

Ermənistanın təxribata əl atması Zəngəzur dəhlizi ilə bağlı müzakirə mərhələsində olan sənədi gündəlikdən çıxarmağa hesablana bilər. Və mümkündür ki, diversiya qrupunun əsas tapşırığı dəhlizin Azərbaycan tərəfdə inşa edilən hissəsində təxribatlar törətmək, sahədə işi, masada siyasi prosesləri dayandırmaq olub.

Tarix
2023.05.27 / 07:00
Müəllif
Asif Nərimanlı
Şərhlər
Digər xəbərlər

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

İrəvan Fransanın oyunlarına getməməlidir! - İcma

Paşinyan separatçıları hədələdi: Bir hakimiyyət var!

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla