Azərbaycanın ali təhsil müəssisələrində təhsil alan və fahişəliklə məşğul olduqları üçün qovulan İran vətəndaşları ilə bağlı şok məlumat yayılıb.

Axar.az xəbər verir ki, məlumatı “Mouze” Teleqram kanalı yayıb.

Məlumatda qeyd olunur ki, bu tələbələr İran xüsusi xidmət orqanları tərəfindən əməkdaşlığa cəlb ediliblər. Onların ayrı-ayrı Azərbaycan vətəndaşlarını ələ almaq üçün təlimatlandırıldıqları və iş apardıqları bəlli olub. Həmin qadınlardan 11 nəfərinin Azərbaycana girişinə qadağa qoyulub, 5 nəfər isə deport edilib.

Kanalın əldə etdiyi məlumata görə, həmin dəstənin üzvləri Azərbaycanda bir neçə tanınmış adamla əlaqədə olublar.

Onlardan biri Bakıda fəaliyyət göstərən xarici iş adamı olub.

“Bakıda bu iş adamına məxsus biznes mərkəzində xarici səfirlərin və biznesmenlərin bu fahişə dəstəsinin üzvlərinin fəal iştirakı ilə orgiyalar təşkil edilib. Bu dəstə üzvləri ilə Milli Məclisin bir deputatının da əlaqədə olması barədə faktlar var. Mollaların fahişə dəstəsi digər qurumların da vəzifəli şəxsləri də əlaqədə olublar”, - deyə kanal yazıb.