Britaniyalı boksçunun məsciddə çəkdirdiyi fotosunu paylaşması irqçi pərəstişkarlarının sərt reaksiyasına səbəb olub.

Axar.az xəbər verir ki, pərəstişkarlarının müsəlman olmayan 27 yaşlı Antoni Coşuanı namaz qılarkən görməsi onları hiddətləndirib.

Coşua paylaşmasının üzərində “İkindi namazında qardaşlarıma qatılmaq möhtəşəm idi” yazıb. Onun sözügedən paylaşması müxtəlif tənqid və təhqirlərə hədəf olub. İngiltərənin Baş naziri Tereza Meydən boksçunu departasiya etməsi də xahiş edilib:

“Ölkəmi tez tərk elə! Xanım Mey, bunu ölkədən xaric edin!”

Onun paylaşmasına qəzəblənən fanatlarından daha boksçunu izləməyəcəyini bəyən edənlər də olub. Tvitterdə öz sərt reaksiyalarını göstərən fanatlar 29 apreldə ukraynalı Kliçko ilə qarşılacaq Coşuanı deyil, rəqibini dəstəkləyəcəklərini qeyd ediblər.

Bəziləri boksçunun, əslində, uzun müddətdir islam dinini qəbul edərək müsəlman olduğunu, ancaq açıqlamadığını bildirib.

Qeyd edək ki, Antoni Coşua daha əvvəl hər hansı bir dinə inanmadığını, ancaq inanclara maraqlı olduğunu açıqlayıb.