UEFA Millətlər Liqasında növbəti turun oyunları keçirilib.

Axar.az xəbər verir ki, A, C və D liqalarında 2, B Liqasında isə 1 matç keçirilib.

Günün ən maraqla gözlənilən oyunu İngiltərə ilə İspaniya arasında olub. İkincilərin meydanında keçirilən qarşılaşma ingilislərin 3:2 hesablı qələbəsi ilə yekunlaşıb.

2-ci qrupun İslandiya – İsveçrə (1-2) matçında da qonaqlar qalib gəliblər. Bu nəticə ilə "Qarabağ"ın qapıçısı Halldorsunun da şərəfini qoruduğu İslandiya millisi qrupu sonuncu pillədə bitirməyi təmin edib.

Günün digər görüşləri isə belə yekunlaşıb:

Bosniya və Hersoqovina – Şimali İrlandiya - 2:0

Finlandiya – Yunanıstan - 2:0

Estoniya – Macarıstan - 3:3

Belarus – Moldova - 0:0

Lüksemburq – San Marino - 3:0