Vladimir Jirinovski Dövlət Dumasının iclası zamanı Rusiya millisinin baş məşqçisi Fabio Kapello ilə bağlı maraqlı fikirlər söyləyib.

Axar.az xəbər verir ki, Jirinovski futbol üzrə 2017-ci il Konfederasiya və 2018-ci il dünya çempionatına münasibət bildirib. Liberal Demokrat Partiyasının lideri baş məşqçi Kapello və Rusiya millisi barədə kinayə ilə danışıb:

"Bizim komandanın nəticələri görünmür. Əgər komandamız uğurlu nəticə əldə etməzsə, bunun səbəbini baş məşqçidən soruşmalıyıq. O, nə baş verdiyini izah edə bilər. Amma mənə görə, baş məşqçi ictimaiyyətin fikirlərinə əhəmiyyət vermir. Ümid edək ki, 2018-ci il dünya çempionatında doğma divarlar önündə komandamız ilk onluğa düşə biləcək".

Qeyd edək ki, Rusiya millisi Avro 2016-nın seçmə mərhələsində G qrupunda 5 xalla ikinci sırada qərarlaşıb.