19 yaşadək futbolçulardan ibarət komandalar arasında Avropa çempionatının elit-raundunda mübarizə aparacaq Azərbaycan yığması ilk sınağına çıxıb. Apasport.az saytının məlumatına görə, Fransada mübarizə aparan millimiz ilk görüşünü meydan sahiblərinə qarşı keçirib.

Matçda komandamız uduzub - 2:0. Hər 2 topu Kinqsley Koman qapıçımız Tolqa Şahinin qoruduğu qapıdan keçirib.

Qrupun digər oyununda isə İngiltərə və Danimarka yığmaları qarşılaşıb. 5 qolun vurulduğu görüşdə Böyük Britaniya təmsilçisi 3:2 hesabı ilə qalib gəlib.

Qeyd edək ki, AÇ-2015-in final mərhələsi 6-19 iyul aralığında Yunanıstanda keçiriləcək.